'Mensahe ng Butil ng Kape"

Repleksyon

                                "Ako at Ang Suliranin Ko"

Paano mo pinagbubukasan ang suliraninng kumakatok sa iyong pintuan?

                                        Ang buhay ng tao ay punong-puno ng iba't ibang suliranin. Maaaring ito ay suliraning pang-sarili, pang-grupo o suliraning pang-lipunan. At sa bawat suliraning ito ay may kaakibat sa solusyon ngunit paano nga ba natin ito hinaharap. Ito ba ay sa pagiging carrot, itlog o butil ng kape. 

                                        Masasabi kong ang pagharap ko sa aking mga problema ay hindi perpekto. Minsa'y ang katangian ng pagiging carrot ay aking kinakatawanan. Malakas at matatag kung titingnan ako sa simula ngunit kapag nandiyan na ay nanlalambot o nararamdaman ang pagsuko. minsan pa'y pagdadalawang isip at kawalan ng lakas ng loob ang nangingibabaw. 

                                        Isang itlog din ang aking katangian sa pagharap ng sigalot sa aking buhay. Ang itlog na maputi, malinis tingnan at may mabuting kalooban ngunit kumakatawan sa katigasan ng puso sumasalamin sa akin at hindi ko itinatanggi. Tulad na lamang ng nangyari sa amin ng aking pinsan, nagkamali siya ng pagsasalita at ako ang lumabas na mali. Ang aking kalooban ay naging hirap humarap sa kanya noong mga oras na yaon. Pilit kung gustuhin na patawarin siya ngunit mismong ang aking pakiramdam ang nauunang tumalikod sa kanya. At ang aking katuwiran, magiging ok din kami balang araw. 

                                         Bagamat ako'y naging carrot at itlog sa pagharap ng problema, suliranin at sigalot, pipilitin at gagawin ko din namang maging butil ng kape na ako ang nagpapabago,nagpapatatag at gumagawa ng positibong bagay para sa akin at sa iba.Gagawin kong ako ang magbibigay kulay sa mga problema na mayroon ako maging ang aking grupo. Iiwasan ko na muling maging isang carrot at itlog sa aking buhay at pipilitin kong butil ng kape ang mangibabaw. Alam kong mahirap at mapusok ang aking ginagalawan pero hindi na muli ako magdadalawang isip at tatalikod sa mga problema na kakatok sa aking pintuan.

                       

"Mensahe ng Butil ng Kape"

Buod

                     Sa pagsasaka ng mag-ama narinig nitong nagmamaktol ang kanyang anak na lalaki. Narinig niya ang mga hinaing ng anak sa hirap at pagod maging ang hindi makatarungang buhay na meron ito. Tinawag ng ama ang anak at nagtungo sa kusina. 

  

                     Kumuha ang ama ng palaytok, nilagyan ng tubig at inilagay sa apoy. Kumulo ito, nilagyan ang bawat isa ng carrot, itlog at butil ng kape. Tinanong ng ama ang anak kung ano ang mangyayari roon at sumagot ang anak, maluluto.

                     Matapos ipadama, ipahati at ipahigop ang carrot, itlog at butil ng kape ipinaliwanag ng ama ang nais niyang ikintal sa isipan ng anak. Sinabi ng ama na ang kumukulong tubig ay mga suliranin sa buhay at sa paanong paraan ng kanyang anak ito haharapin.

                  

                     Sya ba ay magiging carrot na matigas at matatag ngunit pagdating ng sigalot ay lumbot na kumakatawan sa kahinaan. Itlog na mayroong malinis at mabuting puso ngunit nakaroon lamang ng suliranin sa pagitan ng grupo ay naging matigas ang kalooban at hirap magpatawad. O butil ng kape na kahit daan ng problema, suliranin at sigalot ay siya pang nagpabago, nagpatatag at gumagawa ng positibong bagay.

                     Muling binanggit ng ama ang tanong sa anak at sumagot ito ng masigasig at may ngiti na siya ay magiging butil ng kape na tulad ng kanyang ama.